لا لا لا مش في الامتحانات.. انا نجحت اني اوصل للشخص اللي كان لازم اكونه.. محدش فهم حاجة؟ عادي اذا كنت انا مش فاهمة.. قدرت اوصل لشخص مابيحسش.. عمروكو شوفتو حد كان نفسه يبقى شخص مابيحسش؟؟ انا.. موقف المفروض اني اتأثر حسيت اني نَحسّت.. اضايقت .. زعلت .. بس ماتكسرتش الموقف ده لو حصل من سنة كان زماني منهارة الظاهر ان الصدمات بتغير فعلا بس ماكنتش فاكرة اني هتغير ولو بعد حين زي مابيقولو ياااااه انا بقيت ناشفة اوي كده؟ شكلي كده هغير اسم بسكوتة ده مابقاش ينفع مابينطبق عليا كنت مختاراه لاني (كنت) بتاثر باقل حاجة وباين كده من كتر حساسيتي وتأثري مابقاش حاجة بتاثر فيا هههه عادي.. فعلا عادي مكنتش فاكرة اني هكره نفسي كده بس ليه اكره نفسي ليه ماهو ده اللي كان متوقع بعد كل اللي حصلي والمفروض اني ماتغيرش ازاي . . . كده احسن الواحد لازم يعيش يبقى ناشف عشان يعيش يبقى .... ولا بلاش . . . . امال البشرية استمرت ازاي !!! . . . هو ده السر... مانكرش ان الموضوع مش كبير بس هو كبير وبالنسبالي دلوقتي مش كبير ييييييييي ده انا حتى مش عارفة اميز كبير ولا مش كبير يستحق ولا مايستحقش اصلي مش حاسة بحاجة يمكن يكون كبير بس عشان انا عديت باللي اكبر وافظع منه فبقى ده بالنسبالي شئ عادي ولا كأنه حاجة بتحصل كل يوم... مش طبيعي اللي انا فيه ده زي لما تكون لابس جيبة طويلة وتتكعبل فيها ماوقعتش بس اتكعبلت واضايقت اني اتكعبلت خصوصا انها مش زلطة في الطريق ولا بلاعة مفتوحة ماشفتهاش ولا حتى حد ماتعرفوش هو اللي خبطك ده انت اتكعبلت في نفسك في حاجتك في حاجة انت دافع فيها ممكن تكون دافع سنين ذكريات مشاعر . . . فلوس . . المهم انك دافع حاجة...... انا بس عايزة اقول ان مش كل نجاح طعمه حلو بجد فيه نجاح بيخليك تعيط من الضيق والحزن ... بس حتى دي انا مش عارفة اعملها .. .. ربنا يجازي اللي كان السبب.. ملحوظة: انا مش قصدة حد في الكلام ده انا قصدة نفسي وبتكلم عن نفسي واللي مش مصدق.. ... .. مش عارفة اثبتله ازاي لاني انا كمان مش مصدقة اني بقيت كده
أضف تعليقا
من مصر
ايه يا بسكوتة ده كله مش انا لوحدى الحمد لله اللى طلعت كدة وانقلبت بصى الواحد اصلا بيكون جواه نسخ كتير لنفسه ومبيشفهمش الا لما بيحتاجهم من كتر الصدمات يعنى حاجة كدة زى استبن للروح عشان عجلة روحنا متفرقعش من كتر النفخ اى الهم يا مجننانى انتى ...:))
من مصر
الصديقة العزيزة بسكوتة
أولاً موضوعك جميل ومميز ومهم جداً جداً بعد أن فقد كثير منا الإحساس والشعور بكل متع الحياة فأصبح لاشئ يفرحنا ولا شئ يحزنا ولا قلب صادق نحس بيه ولا صديق وفي نضع فيه ثقتنا .. أصبحنا نطبق ثقافة التيك آوي في كل شئ
ولأن حياتنا مثل قطار فلابد لنا أن نتوقف فى أقرب محطة لنبحث عن العطل الذي أوصلنا الى هذه المرحلة ثم نلقي بكل رواسب الماضي وأن نحمل من الماضي كل ما هو جميل وما يساعدنا على تكملة المشوار وعلينا أن نغترف من تلك المحطة قلب جديد وحب ومشاعر جديدة وسعادة موجودة ولكنها قد تخفى علينا ولكنها حتماً موجودة ثم نضع نقطة ونبدأ من أول السطر .. حياة جديدة
أما عن ما ذكرتيه فى موضوعك فأنا أعترف أن هناك أناس سعداء جداً لأنهم أصبحوا بلا إحساس .. وده أكيد راجع لما تعرضه له فى الماضي وهذا واضح عندما ذكرتي أن يتكعبل إنسان فى نفسه ليس فى أحد آخر .. اعلم إنك لم تصلي إلى هذه الدرجة!
دمتي بكل خير
أضف تعليقا
<<الصفحة الرئيسية
من مصر
ايه يا بسكوتة ده كله مش انا لوحدى الحمد لله اللى طلعت كدة وانقلبت بصى الواحد اصلا بيكون جواه نسخ كتير لنفسه ومبيشفهمش الا لما بيحتاجهم من كتر الصدمات يعنى حاجة كدة زى استبن للروح عشان عجلة روحنا متفرقعش من كتر النفخ اى الهم يا مجننانى انتى ...:))